IMPRENTAS 64 del 14.02.2021 Francesco Oggianu
Sos repertos archeologicos…
Sos repertos archeologico deven torrare in su logu inube sun bistados agatados
Sos repertosm archeologicos deven istare in sos logos inube sun bistados agatados. Sas istatuas, gigantes de Mont’e Prama devene abbarrare a Crabas. Gai haiad nadu su presidente de sa Regione, Frantziscu Pigliaru, prima de ch’essire. Riteniad chi in Casteddu bi devene essere solu su minimu indispensabile, pro faghere de attrattore de turistas, chenza si sostituire ma, a su contrariu, favorinde e incentivande s’attenzione pro Cabras. Pigliaru lu haiad nadu tres annos faghed, cando si fid azzesu su dibattitu de s’ipotesi de trasferimentu definitivu de sos gigantes in pedra a Casteddu, inube sunu cunservados. Sa matessi cosa est suzzedinde como, cun su sindigu de Cabras chi narad chi sas atteras istatuas chi sun bistadas agatadas, chi devene essere trasferidas a Casteddu pro su restauru, devene torrare in su museo chi a Cabras est bistadu fattu e chi sunu allargande. Su museo de sos gigantes de Mont’e Prama.
In s’accordu chi fid bistadu frimadu cun su ministeru de sa Cultura, fid bistadu istabilidu sa costituzione de sa Fundassione Mont’e Prama, cun sa sede legale chi deviad essere propriu in su museo archeologicu de Cabras, chi ispettana sas aziones de isviluppu turisticu e culturale e de valorizzazione de sas istatuas, de su museo e de tottu su territoriu de su Sinis.Tuttu rappresentad unau valore azzuntu culturale e economicu. Custu pro dare sa centralidade a sas istatuas chi sun bistadas agatadas.Sa matessi cosa est capitada pro sa misteriosa veneretta de Macumere, chi est bistada agatada 72 annos faghed intro de una grutta, in S’Adde, accurzu a sa zittadina. Un’statuina chi che fid bistada leada a Casteddu pro unu restauru, chi non est prus torrada a Macumere e d’est cunservada in su museo archeologicu de Casteddu. Est un’istatueta de 17 centimetros, chi est bistada iscoberta in su 1949 in cussa chi li narana sa grutta Marras. A Cuss’istatuedda si est semper dadu una rilevanzia archeologica. Custu repertu est bistada sempere a su centru de istudiosos e espertos, criande carchi orta fintzas polemicas tra issos.
Bi sun bistados iscontros pro dare una classificazione a su materiale chi est fatta cussa istaduedda, fintzas su periodo istoricu e ite poded rappresentare. Unu misteru chi sighid a pustis de 72 annos e comente sos gigantes de Monte’e Prama, chissai cantu si nd’ad a faeddare. Sa Veneretta deppiad essere su pezzu prusu importante de su museo archeologicu chi est bistadu fattu in Macumere a chi dae 30 annos si isettad de essere abertu. Cando est bistadu propostu de che trasferire dae Casteddu s’istaduedda, sos responsabiles de su Museo archeologicu de Casteddu e sa soprintendenz hana nadu chi nono. A Macumere benid dada solu una riproduzione e bastad. Su sindigu de Cabras timed chi sa matessi cosa pothad suzzedere a sos gigantes de Monte Parma, chi che sun bistados leados a Casteddu e mai han fattu sa torrada. Siguramente èpro sa Veneretta meda had influidu sos ritardos in s’abertura. A impedire chi s’istruttura enzad aberta sunu sas rigidas regulas impostas dae sa Regione, in particulare sos criterios pro s’accreditamentu in su sistema museale regionale e putis fintzas sas misuras de siguresa.
Sos amministradores comunales chi bi sun bistados in custos trint’annos de isettu, non si unu mai arresas e tottus si han postu comente obiettivu de abrerre su museo cantu prima. In cussu museo devene essere espostos tottus sos repertos chi sun bistados agatados in su territoriu de su Marghine, dae su periodo nuragico, fintzas a s’ottighentos,passande in su periodu romanu, cussu ispagnolu e de su regnuu piemotesu. In su monte de Bolotene, a Badde Salighes, ma fintzas a Padrumannu e Macumere, bi est s’istoria de sas farrovias in Sardigna, da chie sun bistadas progettadas, a chie sun bistados a la costruire e tottus sas cosas e palattos chi sun bistados costruidos accurzu, cun s’opera chi est bistada fatta de Benjamin Piercy, chi est arrivadu dae su Galles, pro costruire sas ferrovias e chi est bistadu unu personaggiu dei ispiccu chi meda had fattu in custu territoriu, issu, su fizzu e sa nepode. Itsorias bellas chi bos cherimos contare in dun’atteru momentu, cun tottus sos personaggios chi bi sun bistados accurzu. In s’istazione de Macumere bi est unu fraigu, s’albergo de s’istazione, chi fid sa domo inube istiad Benjamin Piercy cun sa familla sua, prima de si che torrare dae inube fid bedu e inube si ch’est mortu.
Cussa domo de Macumere bi est unu bicculu de s’istoria de s’Italia ca, cando fid unu albergu, bi sun passados personaggios importantes, iscrittores ee politicos de onzi zenia. Cussu palattu est dae medas annos abbandonadu e nissunu est faghinde nudda pro chircare de lu valorizzare e de lu salvare dae s’abbandonu. Unu palattu bellu chi che poded ruere chenza nissunu bi pothad faghere carchi cosa. Bi vidi veramente unu casteddu in cuss’artura che est in s’intrada de Macumere. Comente sa sedda de Hissarlik Heinrich Schliemann, in sos iscavos chi sun bistados fattos in su 2011, sun bistados agatados medas istrattos che corrispondiana a diversos periodos istoricos. Sos archeologos de s’universidade de Tatari hana agatadu medas istratificassiones, chi sunu de diversas epocas istoricas, dae cussas prus accurzu de pustis de su medioevu de su 1600, a cussa prusu attesu, de s’edade nuragica de su xi secuklu primas de Zesu Cristu. S’iscoberta chi sos archeologos cunsiderana prusu interessante est su modu chi est bistadu fattu pro sa seporturas. Sun bistadas agatadas tumbas nutagicas e punicas, inube sos corpos de sos mortos fin postos de fiancu, e non a bentre in susu, comente sunu sas tumbas de gigantes.
Carchi cosa chi s’assemizzad est bistada agatada in su 1981 a Santu Gosamu de Gonnosfanadiga, dae su professore Juanne Ugas. In Su casteddu de Macumere sun bistados agatos medas repertos, chi como non s’ischidi ite nde eppen fattu. Si isperad chi custos non fettana sa fine chi had fattu sa veneretta de Macumere e sos gigantes de Mont’e Prama. Sun bistados agatados sos muros de su casteddu, medas porcellanas e fintzas unu suzzadore pro sos pizzinnos minores de su tempus de sos nuraghes, fattos in terra cotta. Pro sos istudiosos benid cunfirmada sìorigine punica. Tottu cistu est bistadu agatadu a battoro passos dae su municipiu de Macumere, chi diventad unu de sos pagos momentos de s’archeologia in Sardigna. Comente est capitadu in Macumere, fintzas in atteros logos de sa Sardigna nostra sun bistados fattas iscobertas importantes. A parte cussa de su nuraghe de Barumene, toccad de leare in cunsiderazione cussa chi est bistada fatta a Borore, in foraidda, accurzu a duos nuraghes, una vintina de annos faghed so archeologos hana agatadu su semene de aghina chi pustis est bistadu analzzidadu dae s’universidade Biccoca de Milano, che hana accertadu chi cussu semene assemizzad a cussu chi oe li namos cannonau.
Cosas chi peroe non sun bistadas approfundidas cantu deppiada e pro cussu sas cosas antigas e s’istoria antiga, chi non riguardad solu sa sardigna, maa agatadas solu in Sardigna, non benini valorizzada comente si deved. Medas repertos sunu isparidos in su nudda, atteros che sun bistados leados a su museu archeologicu de Casteddu, ma atteros che sun finfiso in tottu su mundu, cun su mercadu de repertos archeologicos importante, lassande a sos logos inube sun bistados iscobertos solu documentos frimados dae sos archeologos, pro certificare sa veridade de cussu chi est bistadu agatadu. In nissunu logu bi est abbarradu nudda si non sos muros de sos nuraghes e cussos de sas tumbas. Pro non cunsiderare fintzas sos iscavos a sa cua chi sun bistados fattos e benini fattos ancora in medas logos. Su chi enid agatadu benid bendidu a appassionados indinaridos, chi si podene comporare unu repertu chi non teened prezzu de cantu tened valore, pro carchi chentinaia di euros. Si isperad chi in tottue, in sas biddas nostras, sos sindigos, comente est faghinde cussu de Cabras, pothana denunziare custas cosas e pothana tennere sa forza de nde faghere battire a inube sos repertos importantes sun bistados agatados pro faghere museos e fintzas pro criare carchi postu de traballu ee valorizzare cantu in sas biddas nostras bi est adduradu. Tottu deved torrare a su connottu.