Su 27 de su mese de triulas de su 2015 in Macumere est bistadu inauguradu su primi festival de sa resilienzia. Est bistadu ideadu pro tennere sa capacidade de faghere unu sistema de addatamentu e de cambiamentu, pro faghere fronte in modu positivu a sas cosas complicadas, torrande a organizzare sa vda dainanti a sas difficoltades. Cun custi ispiritu est naschidu su festival, cun diversos professionistas de su logu e fintzas nazionales chi si sunu cunfrontados in cussu primu annu in tottu su Marghine e sa >Pianarza, isperimentande unu metudu nou, chi est bistadu definidu cun d’una paraula ingresa , “Brainsurfing”. pro isviluppare ideas chi pothana criare cosas noas in tottu su territoriu. Su festival est bistadu ideadu e pustis fattu dae s’associazione ProPositivo, unu gruppu de giovanos istudentes, chi hana istudiadu in foras, chi sun torrados pro chircare de faghere carchi cosa pro che faghere bessire Macumere e tottu sa Sardigna cetrale dae una situazione de malessere, inube su traballlu est bennidu a mancare e inube sa zente, sos giovanos in particulare, han preferidu de si che andare a foras pro agatare traballu e una sistemazione.

In su primi momentu sa manifestazione est bistada patrocinada dae sa presidenza de sa Regione Sarda e dae sas istituziones de su territoriu, in cullaborazione cun d’una rete de organizzaziones regionales e nazionales, comente Rena, Openhub, OpenPolis, Digital Champion Sardigna, su laboratoriu de economia locale de s’universidade Cattolica, s’Innovation Value Institute de Dublino, sa Federsanità Sardigna, s’associazione Nino Carrus e medas atteras. Sa prima edizione, grazie a custos giovanos medas temas sun bistados ideados pro dare unu futuru a sas comnidades nostras, cun sa partecipazione civica, sas Smarts cites, sos Openadata, s’economia de sa condivisione, s’innovazione sociale e sanitaria, chi sunu bistados su coro de cussa prima manifestazione. Pro una chida intrea bi sun bistados sos meeting itinerantes, laboratorios, workshop e eventos culturales pro dare a su territoriu sos metdos e eenergias noa, paris cun istrategias europeas e regionales, chi dae tando sun bistadas fatta a livellu locale.

ProPositivo est unu progettu chi est bistadu avvaidu in su 2009 subra de s’iniziativa de unu gruppu de sardos tra sos 20 e sos 30 annos, chi fini ispartos in Italia e in tottu su mundu, a partire dae una semplice dimanda: “Ite podiad suzzedere si su tempus chi deppimos usare pro non lamnetare de sos problemas beiada imbistidu in sa chirca de sas soluziones?”. In su 2012 est duncas naschidu su blog ProPositivo, unu canale de informaziones online, chi miradd a promovere praticas bonas. In su 2015 est bistada costituida s’associazione culturale e lanciadu su progettu de mudare sa crisi in opportunidades de creschida, inube su festival de sa resilienzia est bistadu e d’est ancora su propulsore fundamentale. In custos pagos annos su progettu est creschidu meda, tantu de faghere unu eventu de chimbe dies solu in Macumere a una programmazione de duos meses chi che poned in mesu tottu su centru de sa Sardigna. Cun d’unu approcciu mettodologicu basadu subra de s’incontru de sinergias tra su mundu de s’iscienzia e sociale e cussu de s’arte pubblica, s’obiettivu est sempre bistadu cussu de criare un ambiente dinamicu e de medas limbas, cun su sardu in primu postu, pro collegare sa logica e sa creadividade, iscola e imprendidores, istituziones e sotziedade civile. Tottus cosas fundamentales pro segare sa negatividade de su presente e ponnere in campu processos partecipativos chi pothana affrontare su problema de s’ispopolamentu, sa depressione e sa pobertade. Est bistada un’isfida cundivisa dae tottus, dae partner regionales, nazionales e europeos, interessados a faghere in atteros logos inube bi est sa crisi, cantu est bistadu fattu in Macumere.

S’annu passadu mancari sos graves effettos de sa pandemia, ligada a su Covid-19, su festival de sa resilienzia non est frimadu, cun d’una edizione noa chi est durada duos meses in Macumere e in sa provintzia de Nugoro. S’associazione ProPositivo, chi riunid giovanos sardos ispartos in tottu su mundu, chi su decisos a faghere unu posidu riccu de sas esperienzias chi han fattu foras, imbestindela in sa terra insoro. Su festival est creschidu in sos tempos, in sa programmazione e fintzas cun sos obiettivos. Naschidu in su 2015 pro promovere e ponnere in connessione realtades vistuosas cun su territoriu in difficultade, in sette annos cun cust’annu su festival est creschidu meda. A ispinghere custos giovanos sardos, chi faeddana sa limba nostra a faghere custu festival, gai articuladu e in su Marghine e sa Pianarza, sun bistadas sas caratteristicas chi sunu similes a attero territorios de sa Sardigna e de s’Italia. Sun partidos dae su fattu chi su 90 pro chentu de sos comunes italianos tenede mancu 15 mizza abitantes, cun d’unu sistema sotziu economicu in difficultade pro sa cumpetizione chi si est aberta a livellu mondiale e sa riviluzione tecnologica. Bi est puru su fattu chi sa popolazione est imbezzande e sos giovanos si che partini a foras. In custos urtimos 50 annos sa Sardigna, in s’articulazione pubblica e privada, had manifestadu difficultasdes graes in sa gestione de sos fundos de s’Europa e in s’articulazione de sos progettos pro risolvere su fattu de sa terra arretrada de infrastrutturas, dae su puntu e vista culturale, sotziale e economicu chi che sun bettados sos territorios comente cussu de su Marghine e de tottu sa provintzia.

Est una debilesa chi b’est pro sa mancanzia de una regia istituzionale crara, de sos bisonzos, de sos interessos e de sa potenzialidade de sos territorios e fintzas de una base solida de capitale sotziale e cullaburativu. Unu boidu mannu inube medas impresas han finidu pro serrare tottu, cun sos giovanos istudiados a si che fuire, sas area de sas campagnas a si sipopolare, lassande solos sos cittadinos a affrontare custa depressione. In risposta a custa criticidades, sos giovanos de ProPositivo han puntadu a ponnere paris s’iscienzia sotziales e artes pubblicas pro podere disegnare unu percursu e progettazione partecipada, pro podere favorire s’incontru, su dialugu e sa cullaborazione tra istituziones e cittadinos, sas iscolas e sos imprendidores, su pubblicu e su privadu, pro podere valorizzare sos fundos postos in campu dae s’Unuione Europea,, ma fintzas dae sas istituziones pubblicas regionale e nazionales.

Su gruppu ProPositivu est cumpostu dae giovanos professionistas sardos, naschidos in su centru de sa Sardigna cun nedas esperienzias lavorativas e de istudiu, in Italia e in s’estero. A pustis de medas annos de partenzias e torradas a sa terra insoro, onzunu chi faghed parte de s’associazione had semper tennidu sa gana e sa volontade de che leare a sas cumptenzias insoro e su garrigu de esperienzias fattas attesu, de nde las battire a inube sunu naschidos e creschidos. Sa inserradas ligadas a sa pandemia de su Covid est unu momentu onu pro podere mudare sa crisi in opportunidades. da custu si torrad a partire, cun custos giovanos cumbintos de podere sullecitare sa zente a faghere semper menzus e accumpanzare s’isviluppu sociu economicu de sas areas internas e marginales de sa Sardigna, cun s’attivazione de processos de progettazione partecipada a supprtu de sos territorios in sa valorizzazione de sas istrategias e de sas risorsas europeas, nazionale e regionales. Custa pandemia had fattu prus fortes sas relazione. Cun medas artistas si est raguionadu pro isviluppare e attivare percursos noso, pro lo rendere utiles e produttivos in sa dimensione pubblica.

Sos giovanos de ProPositivo sun cumbintos chi s’innovazione e s’isviluppu de unu territoriu pothad fiorire cando s’ incontrana prospettivas diversas, disciplinas e cumptenzias. Sos professionistas de su settore artisticu podene battire sa riflessione critica, s’ingegnu pro podere rispondere a sos problemas prus difficiles. Cale sunu sos progettos pro su futuru?. Sos matessis giovanos de s’associazione ProPositivo mirana a diventare una agenzia de isviluppu territoriale. Cun d’unu incontru tra sinergias e su mundu de s’iscienzia sotziale e cussu de sas artes pubblicas, s’obiettivu est cussu de criare unu modellu chi si pothad torrare a faghere pro s’isviluppu pro sa resilienzia de sa zente de sas biddas nostras.