Imprentas  di Francesco Oggianu

S’istoria de su bandidu Peppinu Pes, unu esempiu pro sos giovanos de oe pro vivere menzus

Tra sos annos chiambanta e sessanta, cando custa zona de intro de sa Sardigna nde fid bessinde dae sa gherra, sunu iscopiadas sas faidas tra famillas chi pustis had bidu zovanos de mente ona gustados dae sa mania de faghere pagare cun su sambene a chi had fattu male. Pro cussu a Sedule, in Silanos, in Orgosolo, in orune, in mamoiada , Arzana e tantos atteros logos, sun bistados medas sos zovanos chi si sun dados a bandidare. Balentes calincunu los had muttidos e si sighini a narrere, ma in custu contu nos frimamos in sos contos de unu colnello de sos carabineris in pensione, Mitteddu Piras, de Silanus, chi in pizzinnia had tentu modu de connoschere cussas bardanas e sas gherras de so balentes, comente Peppinu Pes, bandidu de Sedule. S’istoria del Peppinu Pes, Mitteddu Piras l’had contada ricostruinde sos fattos, cussos beros, chi sun capitados e riproponed, in su liberu Balentes s’istoria de unu bandidu chi fid timidu dae totus e meda vendicativiu, chi pro medas annos est resessidu a si che fuire a sa zustissia, grassias a so piagheres, a sa protezione e fintzas a sa simpatia de meda zente.

Comente contad Mitteddu Piras a cussos tempos sas vacanzas estivas finiana su 30 de capidanni pro tottus sos pitzinnos de iscola. Cussu primi de santainu si provaida una certa emozione andare a iscola pro sa prima orta. Sos piseddos teniana sos carzones curzos e poniana sos bottinos de pedde fattos dae su cattolaju. Fini annos chi su ccolonello contad dae sa idda sua, Silanos, cando est andadu a faghere sa prima elementare, cun su mastru Totoi deriu, frade de unu marisciallu de sos carabineris, chi a Peppinu pes l’had dadu sempre sa cazza. Unu mastru chi tando teniad mancu sessanta annos. Teniad unu carattere meda severu e estiad cun bistires nieddos. Frade mei est marisciallu de sos carabineris nariad sempre. Su 17 de ennarzu de su 1962, unu die meda fritta, ma in SIlanos bi fid sa festa de Sant’Antoni e su fogu, su patronu de sa idda. Su cursu fid prenu de zente. Accurzu a su foguolne bi fid fintzas su maresciallu Deriu, chi a sas otto de sero est crefidu rientrare a domo sua, unu bellu palattu accurzu a sa cresia de sa madalena, inube l’aspettaiad sa muzzere. Comnete fid bintrande a domo sua medas corpos de pistola l’han lassadu mortu in terra.

Vendetta? Calincunu had luego nadu chi a lu ochire est bistadu Peppinu Pes. Dae cue partidi s’storia contada dae mittedu Piras. Sedule est una idda chi tando teniad tremizza abitantes, connottu in Sardigna e fintzas a s’estero pro s’ardia de Sant’Antine chi si curred accurzu a sa cresia su 6 e su sette de triulas. peppinu Pes fid de Sedule, chi fid naschidu in su 1928 dae una familla de allevadores, chi fid benestante. Peppinu fid s’urtimu de ses fizzos, cun su frade Battista e battoro sorres. Issu no had tentu su tempus de connoschere su babbu, chi hana mortu in su 1930, cando Peppinu teniad duos annos, in d’unu zilleri a pustis de una briga naschida pro nudda. A lu ochire est bistadu su paesanu sou, Zuseppe Mureddu. Dae cando est mortu su mere de domo, tottu sa responsabilidae ch’est rutta subra de sa muzzere, chi had chircadu de che ogare a fora sos fizzos dae sas faidas e vendettas. A pustis de haere fattu sas iscolas elementares, peppinu pro carchi annu had istudiadu in su seminariu de Bosa, frequentande fintzas a sa quarta ginnasio.

Cussos annos fattos in cuss’iscola religiosa, inube benid imperadu s’amore e su perdonu, non est bastadu a faghere cambiare Peppinu e sa pesonalidade forte chi teniad. . Mancu a lu narrere had abbandonadu su seminariu, cando si est resu contui chi a faghere su prideru non fid contu suou. est duncas rientradu a Sedule cando mancaidi pagu a sa fine de sa segunda gherra mondiale. In Sedule cussu periodu, chi b’haiad meda fammene, calincunu had pensadu de poded alanzare carchi cosa furande. A Tottus si podiad furare ma non a sos frades Tinu E Juanne Farche, chi podian contare contare de unu belli sotzie de sustendores. Tottu est andadu bene fintzas a cando non est bistadu toccadu su patrimoniu de Peppinu Pes, chi pro natura, non suppiortiad sos sorprusos. Pro cussu, mancare essere ancora unu pieddu, est resessidu a si faghere una banda e paris cun su frade Battista had luego organizzadu su recuperu de su bestiamene chi li che fid bistadu furadu., paris cun sos interessos.

Dae tanto pro Peppinu sun cominzadas a arrivare sas primas denunzias. Ma sa cosa est andada adainanti e si est aberta una gherra cun frades farches, chi c’had leadu pro sa prima orta Peppinu pes in galera. Dae tanto sun cominzadas sas gherras beras, cun mortos e furas, cunflittos e fintzas galera. A sa fine sos frades Farches e medas familiares insoro sun bistados mortos in campagna, dae manu assassina. Segundu a cantu si nariad, Peppinu Pes non had mai nadu de essere issu su protagonista. had semper negadu. Carchi orta est bistadu postu in mesu pro cossas chi non haiad fattu, ma intantu est diventadu su bandidu prus perigulosu de sa sardigan centrale, chircadu dae sa zustissia in tottue. Fid bistadu catturadu su manzanu chito de su 19 de frearzu de su 1962, in d’una domo chi fin fraigande, accurzu a domo de sa mamma. Cando unu carabineri l’had agatadu issu nd’est bessidu a manos in artu e disarmadu. A sos carabineris had nadu: ma bos <pared custa s’ora de andare in domos anezenas. Mi podizzis faghere dromire ancora ca deo mi che corco a tardu su notte. Issu had semper nadu chi cussa fid sa die prus fea de sa vida sua. Sa mamma haiad preferidu a lu idere mortu e non in galera pro tottu sa vida.

In su 1978 nd’est bessidu da galera grassias a sa riforma penitenziaria pro podere trabaallare a contu de s’amministrazione comunale de Spoleto, chi l’had assuntu comente giardinieri e pustis comente custode de su aprcu pubblicu de Villa redenta. In su 1988 est diventadu unìomine liberu e nu notte a dromire non rientraiada prus in galera, ma cun s’obbligu de dimorare a Spoleto. Carchi annu a pustis, mancari peppinu Pes a Spoleto fid diventadu un’omine chi fid chircadu e creffidu bene dae tottus, haiad detzisu de rientrare in Sardigna. Est torradu a Sedule, a domo sua, inube istiad sa mamma e inube had chircadu si faghere una ezzesa tranquilla. Oramai ezzu e fintzas malaidu, Peppinu Pes beniad invitadu a carchi cunvegnu e in tottue naraiad, a sos giovanos, chi sa vida sua est bistada isbagliada e chi non nd’est baffisa sa pena de istare in ziru bandidande. Issu carchi omicidu l’had cunfirmada, ma non tottus. Naraiada chi non nde aliad sa pena arruinare sa vida pro semper pro vivere una die de leone.

peppinu had vividu sos urtimos annos pensande chi had isbagliadu de non si essere costituidu luegoa pustis de s’omicidiu de Solinas. Medas cosas si podian crarire chenza de isettare de teennere resone a onzi costu. Si haia fattu gai non haio perdidu tantos annos in presone, chenza sa libertade. Su 31 de santaianu de su 1993 est iscadidu s’obbligu de soggiorno a Spoleto e dae tando Peppinu Pes est torradu in Sardigna da omine liberu. una orta in Sardigna essiad fintzas a foras, muttidu a carchi ustu, ma non perdiad occasione pro narrere a sos giovanos chi sa galera est una cosa fea e una cosa fea est bistada sa gioventude sua. una orta in sa colonia Eca, a pes de su monte de Sant’Antoni de Macumere, in d’unu pranzu li est bistadu dimandadu pruite li manchiad una parte de sos poddighes de una manu. Issu non si est iscumpostu pro nudda, ma ha creffidu narrere chi cussu si lu haiad fattu in carriera, cando fid bandidande e siguramente in carchi cunflittu cun sas bandas de s’attera ala. Peppinu Pes pustis s’est imalaidadu de unu male incurabile e non podinde istare in domo sua pro essere assistidu, si che fid fattu ricoverare in su centru de Milis, inube est mortu. Como riposad in su campusantu de sa idda sua, accurzu a medas atteros chi forzis sun bistados mortos dae issu. unu esempiu pro sos giovanos de oe, de una vida fugliada pro s’orgogliu de essere balentes. Una gherra chi l’had bidu binchidore, ma chi had perdidu in partenzia.