Imprentas 183 del 30.05.2021 di Francesco Oggianu
Su depositu de su metanu in su portu industriale, una opportunidade de isviluppu in tottu sa Sardigna
A pustis de isettare medas annos. A pustis de medas batallas e protestas. A pustis chi sun bistadas serradas medas frabbicas, in Sardigna arrivad su gasu metanu. Pro cussu su 26 de maju est diventada una die istorica pro tottu sa Sardigna. In su portu de Oristanis, pro sa prima orta fintzas in Italia, est attraccada una nave prena de gas naturale liquidu. Propriu in oristanis, pro sa prima orta intrad in funzioneunu’impiantu chi prenad sas cisternas a terra de Gnl, chi a pustis beni garrigadu in sos camion cisternas pro che lu leare in d’inzi angulu de sa Sardigna. Unua die istorica cussa de su 26 de maju e tottus, in su mundu politicu e cussu imprenditoriale, ma fintzas sa zente comune, had tentu modu de podere cumentare cantu in cussu bicculu e mare accurzu a Oristanis fid capitande. Est bistada una nave, sa Avenir Accolade, cun sa bandiera de Malta sa prima a bintrade in su portu carriga de gasu. Est arrivada dae sa Cina, si est primu frimada su 16 de maju in Croazia pro prenare sa cisterna de sette mizza metros cubos de Gnl, chi pustis nde bistadu attidu a Oristanis, inube est cominzada s’operazione de isgarrigu in sos serbatoios.
Su gasu est bistadu iscarrigadu in sos serbatoios a 162 grados sutta de su zero de temepradura. Est una die istorica e sa fine de unu percursu chi est cominzadu in su 2014. Unu fattu importante pro tottu sa Sardigna, ca mai fid bistada fatta una cosa goi importante. Bi han provadu in milli modos, cun progettos de sos tubos, chi costaini in mundu de inari e mai si est potidu faghere. S’ide de lu attire in naves via mare. Como su metanu est arrivadu a dae su 10 de lampadas es cominzada sa cummercializzazione in totti s’isula. Cussa de su 26 de maju est bistada sa prima nave cun su metanu chi intrad in Italia e che faghed arrivare su meetanu in areas de sa Sardigna inube fid difficile de bi arrivare. SU depositu est bistadu fattu in cussa zona de su portu inube, fintzas a carchi annu faghed, arrivaiada s’ozzu cumbustibile pro alimentare sa centrale termolettrica de sa frabbica de Otzana e inube bi arrivaini tottus sas materias primas. Certu, si su metanu fid arrivadu dae primu, fortzis carchi frabbica fid pothida abbarrare ancora aberta. Ma su metanu est semper una cosa gradida dae tottus, pruite dae Oristanis si che podede leare su gasu in tottue, fintzas pro alimentare atteras iniziativas imprenditoriales e fintzas as domos.
A inaugurare su depositu bi est bennidu su presidente de sa regione Christian SOlinas. Paris cun issu su vice ministru de s’isviluppu economicu Alessandra Todde, su presidente de s’autoridade protuale sarda Massimu Deiana e cussu de su cunsorziu industriale oristanesu, Massimiliano Daga. Custu- commente narad su presidente Solinas, benid a pustis de haere segadu su nastru, sa cermonia de presentazione de su passu in dainanti chi est bistadu fattu pro che ogare pro semper su carbone dae sa Sardigna intro su 2050. Semper Solnias ha nadu chi cussa de su 26 de maju de su 2021 est una die istorica pro tottu sa Sardigna. Est s’occasione ona pro podere recuperare unu cosa chi tottus sas regiones italianas tenene, ca s’isula nostra non est bistada mai metanizzada. Comente had nadu su presidente Solinas e comente si est seemper nadu, su gasu deve essere postu a disposizione de tottus, a sos cittadinos e a as impresas cun dd’unu prezziu currettu, in modu chi fintzas sa Sardigna pothad diventare cumpetitiva. Su Gnl permittidi de tennere accessu a s’energia a menzus tariffas, non comente fintzas a como est bistadu.
Semper su presidente Solinas had nadu chi su 26 de maju de su 2021sinzad s’avviu de su faghere in manera cuncreta de sos obiettivos de sa Regione. Tottu superad cussa differenzia chi fintzas a como bi est bistada, ccun sa Sardigna penalizzada rispettu a tottus s’Italia, inube su gasu bi est dae medas annos. Su Gnl sipoded usare pro s’industria, pro s’autotrazione, ma fintzas adattabuile pro usos domesticos. Est una cosa meda ona fintzas pro s’ambiente ca sas emissiones in aria, ca che faghed bessire su 25 pro chentu de mancu de anidride carbonica. Chie est intervennidu had nadu chi non si deved abbaidare a su metanu comente obiettivu, ma fintzas una forma de mesu pro pustis arrivare a sìusu de s’idrogenu. Una cosa est certas, fintzas a como sos sardos han pagadu sos costos energeticos pr su 35 pro chentu in prusu rispettu a atteras regiones italianas. Como Sa Sardigna poded diventare un hub de rifornimentu energeticu pro sas naves chi usana su Gnl e chi sunu destinadas cun su tempus a diventare medas de prusu. Una realtade forte de una posizione baricentrica chi che poned sa Sardigna in d’una posizione istrategica in su Mediterraneu e, in su matessi tempus, had a contribuire a faghere meda de prusu in cussu chi si isettad dae sempeer, chi est cussu de sa metanizzazione de tottu s’isula.
Su depositu de su gasu in su portu de Oristanis non est solu fattu pro cominzare sa metanizzazione de tottu sa Sardigna. Cussu chi est bistadu inauguradu su 26 de maju in su prtu industriale de Oristanis, chi est s’unicu operativu in Sardigna, fortzis, in tempos normales, haiad potidu faghere dirottare una parte manna de su trafficu de sas croceras e de su turismu sardu in s’iscalu oristanesu.Sa pandemia, de fattu, had bloccadu sas croceras chi, a livellu mondiale, han tentu una perdida de su 98 pro chentu. Segundu s’autoridade portuale de sa Sardigna pro torrare a sa normalidade, e a sos numeros de primu de sa pandemia, bi hana a cherrere assumancu duos annos. Una cosa est certa, cust’annu sas naves de croceras chi navigana in su Mediterraneu, non prevedini mancu una frimada in su portu de Oristanis. Si narad chi dae s’annu chi enid bi had a essere una ripresa, cunsiderande fintzas sa possibilidade pro sas naves mannas chi viazzana a metanu, de si podere rifornire in su portu de Oristanis, grassias a su depositu chi est bistadu inauguradu.
A pustis de su bloccu totale causadu dae su Covid-19, sas cumpanzias croceristicas hana ripresu sos trafficos cun solu su deghe pro chentu de sa potenzialidade. Custu propriu pro sas limitaziones impostas dae sas normas pro sa siguresa. Cust’annu est peroe cumprumessu. Tottus sos iscalos isolanos che sun bistados iscancellados, solu su portu de Casteddu est abbarradu in su circuitu. De sos 22 iscalos nazionales, nde sunu abbarrados abertos solu otto, divisos in su Tirrenu e in sAdriaticu. Oristanis cust’annu haiada preventivadu cussas chi linarana crioceras de nicchia, ca su portu industriale est preferidu dae sas naves de lussu, chi ospitana a su massimu chentu passezzeris e chi ispendene in su territoriu. Non arrivana mostros de 400 metros chi faghene isbarcare mizzas de personas e chi andana a ispendere in sos centros cummerciales mannos, comente suzzedidi in Salighera, inube bi sunu sos museos e atteru. I Oristanis si est puntande meda subra de sos museos, ma de prus meda subra s’archeologia, a pustis de s’iscoberta de sos gigantes de Monte Prama.
Su depositu de su gas chi est bistadu abertu poded duncas rappresentare unu incentivu onu comente elemeentu de attrazione, paris cun sa cittade antiga de Tharros e sos iscavos de Monte Prama. Pro como peroe bi est solu una nave de crocera chi est alimentada a metanu. Est sa nave Smeralda de sa cumpanzia Costa Crocere. Su futuru? Comente riprendid su trafficu, si podede riprendere fintzas chistionare. Cosas chi sa pandemia had fattu suspendere. Pro su 2021 isperanzias non bi ndad, ma in su 2022 si sperad de podere torrare a battire in Sardigna e a Oristanis su trafficu chi bi fid prima de arrivaree cussu virus malaittu. Pro podere partire bene sas cosas bi sunu. Su protu industriale in su mese de abrile had registradu ,a pustis de 30 annos, su record de movimentazione de sa merces cun attividades de import e export. Bi sunu bistadas fintzas a como 84 movimentassiones, cun d’una chimbantina de naves, pro duos miliones e mesu de tonnelladas. Cun su depositu de su metanu in su portu industriale, si podede peensare de criare atteras attividaes de distribuzione, chi podede dare traballu a medas giovanos, fintzas in su campu economicu e cummerciale, ma fintzas in su campu culturale e turisticu. Isettamos ite podede suzzedere sos meses chi enini.