di Francesco Oggianu
In lutta pro su dirittu a sa salude
Sa Sardigna centrale in lutta pro tennere su dirittu a sa salude
In tottu sa Sardigna centrale si est formada una mobilitazione manna, pro podere rivendicare su dirittu a sa salude. Comitados, associassiones, cun manifestazione de piatta, bloccos istradales e cantu atteru, pro nde ischidare sa Regione chi deved leare in cunsiderazione sos problemas de sa sanidade in tottu sa Sardigna centrale. Fintzas sos sindigos de tottus sos comunes de sa provintzia de Oristanis, han postu sa fascia tricolore e sunu andados a protestare paris cun sa zente disperada, ca sun serrande sos ispidales minores, comente cussu de Ghilarzi e Bosa, ma fintzas Sorgono, faghindeche isparire servizios importantes in sos distrettos de Macumer e de Siniscola. Su dirittu a sa salude pared chi siad cosa solu de sas zona prusu abitadas de sa Sardigna, dae Casteddu a Tatari, passandeche pro Terranoa. In tottue b’had problemas. In tottue chi si chered curare deved andare a pagamentu, ca in sos ispidales hana ridottu tottu cantu e in sos distrettos non bi sunu mancu sos duttores e infermieris.
In sas biddas non bi sunu prusu mancu sos duttores de base, ca nissunu had partecipadu a sos cunccursos bandidos dae s’Assl de Nugoro e de Oristanis. In Macumere, inube sunu andados in pinsione sos duttores chi bi fini primu, non si sunu agatados atteros duttores pro los sostituire. In Macumere ssos disagios pro sos cittadinos sunu sos matessi de sos pagos duttores chi bi sunu addurados, chi si devene faghere carrigu de tottus sos pazientes chi sunu addurados chenza duttore. Sa soluzione chi est bistada proposta dae s’Assl de Nugoro risolved su problema solu fintzas a fine annu. Poi sa cosa diventad grae. Mancari carchi chida faghed si siad curtu a sos riparos, faghindeche pigare su massimale da 1500 a 1800 pazioentes, sa chistione de sa mancanza de duttores de familla in Macumere, ma fintzas in atteros logos abbarrada aberta. Tened bisonzu de soluziones definitivas, ca su provvedimentu tampone tened una durada solu de ses meses. unu disagiu pro sos cittadinos e unu traballu meda de prusu pro sos duttores chi han devidu leare incarrigu 300 assistidos perunu, duncas meda de prusu sos limites previstos.
Sa chistione, comente s’ischidi dae meda tempus, est meda complicada. A sa base de tottu bi est sa mancanmzia de duttores. Curpas de su numeru serradu chi limitada s’intrada in sas facoltades de meighina. Una cosa assurda, chi non tened giustificaziones in d’unu momentu de pandemia e de crisi in sa sanidade. Bi est su fattu chi in Macumere, comente medas cittades e cittadinas e biddas de tottu sa Sardigna, suzzedid chhi sos bandos pro s’assegnazione de sos incarrigos provvisorios de assistenzia sighini a andare desertos. Est propriu s’assenza de candidaduras chi had ispintu sa Assl de Nugoro a che fagher pigare su numero de sos utentes pro onzi duttore chi b’est adduradu. Como si isperad chi calincunu rispondad presente a sas manifestaziones de interesses noas, assumancu pro podere sostituire chi non had potidu mantennere s’impinnu. S’emergenzia sanitaria had resu indispensabile s’impiegu de duttores giovanos in prus frontes, comente cussos de sas unidaes ispeciales de continuade assistenziale. Cando si hada a tennere s’immunidade de gregge, s’obieettivu had a essere cussu de resessere a assegnare a sos duttores giovanos sos postos boidos de meighina generale.
Como bi sun sos ispidales, cussos minores, chi sunu rischiande de essere serrados in su tottu. A Ghilarzi e Bosa, chi sunu ispidales minores chi peroe sunu medas utiles pro territorios mannos, a pagu a pagu che los sunu serrande. Fintzas a como sas protesta non sun servidas a nde faghere ischidare sa Regione a leare provvedimentos, pro podere sarvare custos presidios sanitarios importantes. In su mese de triulas bi est bistada una manifestazione cun su blocco de sa 131, accurzu a Tramatza. Bi fini fintzas sos sindigos de tottu cussas biddas chi sunu accurzu a sos duos ispidales. SU comitadu naschidu in difesa de s’ispidale de Ghilarzi pensad chi sa manifestazione siad bistada una iniziativa opportuna, mancari siad bistada fattu in ritarrdu. Tottus sunu isettande de connoschere ite si chered faghere e criare una rete tra sos tres ispidales, cussu di Ghilarzi, Bosa e Sorgono, pro podere battallare menzus e chircare de ottennere risultados chi si isettana dae medas annos.
In su Marghine had movidu sos primos passos su comitadu in difesa de sa sanidade in su Marghine, chi s’est costituiduin su eranu passadu, cun s’obiettivu de formulare ee promovere iniziativas chi fettana biere in manera crara sas criticidades de sa sanidadee territoriale e si cchirched de istimulare atteras soluziones a sos varios problemas. Sas finalidades e sas modalidades operativas de su comitadu, a inube bi hana aderidu prus de milli personas, sunu bistadas nadas dae Frantziscu Nieddu, chi es bistadu postu comente coordinadore. Sas cosas sunu bistadas illustradas in d’unu incontru chi b’est bistadu in Macumere cun sa partecipaziones de Silvia Cadeddu, sindiga de Biroro e presidente de sa cunferenzia territoriale de Nuoro, Innassiu Piras, sindigu de Duarche e presidente de su distrettu sanitariu de Macumere, paris cun sos sindigos de Silanus, Giampietro Arca, de Noragugume Rita Zaru, de Lei Luisi Cadau. Su comitadu est un’istrumentu civicu, liberu e indipeendente, abertu a s’adesione de sos cittadinos, associaziones, fortzas politicas e sotziales. SU compitu principale deved essere cussu de supportare sos sindigos e istituziones locales in s’azione de rivendicazione de su superamentu de sas criticidades chi bi sunu como e faghere unu traballu pro costruire una sanidade chi ponzad a su centru su territoriu.
Sa prima cosa chi si chered faghere, como in s’attunzu, est s’organizzazione de una manifestazione dainanti a su poliaambulatoriu de Nuraghe Ruju, in Macumere, chirradu comente simbulu de una sanidade territoriale inube si sunu serrande medas repartos , cancellande ispecialistas e serrande pro semprer su laboratoriu de analisi e atteros ispecialidades importantes pro tottu su territoriu, chi non est solu Macumere, ma tottu su Marghine ee fintzas atteros logos a foras fintzas de sa provintzia de Nugoro. A preoccupare su comitadu eest peroe s’ismantellamentu de su laboratoriu analisi, ma fintzas sa situazione comente versana sos servizios de nefrologia, oncologia, diabteologia e riabilitazione. Una cosa chi doled meeda est sa meighina de base e su numeru di postaziones chi sunu gherrande cun duttores chi non bi sunu o si bi sunu sunu solu provvisorios . Pro ttennere carchi risurtadu est importante mobilitare sas popolaziones, ma fintzas cullaborare cun sos atteros comitados chi sunu naschidos in tottu sa provintzia de Nugoro e de su centru de sa Sardigna, chi sunu tottus in sa matessi situazione de crisi.
Dae s’ierru passadu èpro sa sanidade sunu in lotta migliaias de personas. A Nugoro bi est fintzas una peraula de ordine: Sarbamos sos servizios sanitarios. Sunu bistadas regortas in pagu tempus prus de 4 mizza frimas pro dimandare de sarvare sa sanidade nugoresa. Sa dimanda cun sas adesiones est bistada fid bistada ccunsignada a su prefetto de Nugoro dae una delegazione de sa lista civica Progetto pro Nugoro. A sa mobilitazione bi hana partecipadu parte de sos cittadinos e sos ssindigos de su territoriu, in difesa de s’ispidale de Santu Frantziscu e de sos servizios sanitarios territoriales. In s’ispidale, dae prus de un’annu, bi mancana prus de 130 duttores, prus de treghentos infermieris e medas direttores de sas unidades operativas. S’Ats in carchi coa had rispostu. ma est pagu rispettu a cussu chi bi chred in s’ispidale, chi est puntu de riferimentu pro totta sa Sardigna centrale. S’ispidale de Santu Frantziscu de Nugoro est bistadu fintzas a deghe annos faghed unu presidiu chi had semprer dadu rispostas de calidade e de arta specializzazione a sos cittadino , a sa pari de sos ispidales de Casteddu e e de Tatari.
Pustis est ccomizada sa gherra e medas servizios che sun bistados sicancellados. Mancana sos ispecialistas in tottue e sa sanidade, in sa Sardigna centrale est ddiventada una cosa chi non tened ne contu e ne cabu. In Casteddu e de prusu a Roma, sighini a no l’importare de cusssu chi est suzzedinde, cun sa zente chi paagad sas tassas , ma non tenede su dirittu a su curare e a sa salude, pro curpa de chirradas faattas males de sa crasse politica italiana.