di Francesco Oggianu

Nereide Rudas, macumerese mai ammentada comente si deved

Mariangela, istudentessa de 22 annos, de origines macumeresas, chered ischiere de prusu de Nereide Rudas, sa femmina chi est diventada iscienziada, chi in pagos ischini chi fid naschida propriu in Macumere e poi si che fid andada cando teniad solu 17 annos. Mariangela nde aida intesu faeddare, ma non ischiad nemancu dae attesu chi cussa femmina in Macumere bi had fintzas fattu sas iscolas elementares e cussu chi tando li nariana s’avviamentu, pustis diventada iscola media. Nereide Rudas est bistada sa prima femmia in Europa a dirigere unu clinica psichiatrica, chi had fundadu e pustis diventada presidente de sa sotziedade italiana de Psichiatria forense, a Milano e de s’istitutu Antoni Gramsci. Chi had connottu s’intelletuale macumeresa propone, fintzas in sos social, de li intitulare una carrela in Macumere. Nereide Rudas, (e custu Mariangela l’ischiada) est bistada autrice de medas liberos e de medas saggios e iscrittos de criminologia, ammentada in Casteddu un annu a pustis de sa morte sua, chi est bistada su 2017, in Casteddu. Sa proposta de l’intitulare una carrela in Macumere, nde torrada a bessire a pizzu sas dies coladas, cando Nereide Rudas est bistada ammentada in d’una cunferenzia in sa biblioteca comunale.

Mariangela fintzas a pagu tempus faghed non ischiada chi s’intellettuale accademica fid naschida in Macumere in su 1925 in sa residenza de sa familla de ispirazione rinascimentale, Villa Salmon, chi como bi est sa sede de s’Unione de sos comunes, chi est bistada circundada da unu giardinu in su centru de Macumere. Mannu de diversos ettaros, cun arbules e prantas esoticas, inube como bi est sa biblioteca comunale e in parte sa cresia de Santu Frantziscu. Su jaiu de Nereide Rudas si nariad Gustavu Salmon, de origines ebraicas, chi si nde fid bedu a Macumere dae Livorno, cando fid pro finire su 1800. In Macumere Salmon had fattu naschere medas attividades, fintzas una agenzia de creditu, una ispezia de banca, chi pratigaiada tassos de interesse prus bassos a cusso de sas bancas, a sas casieras, chi han cominzadu a produere in Macumere in cusso annos, aziendas agrarias e unu molinu elettricu. Est bistadu tando chi Gustavo Salmon had connottu e si est innamoradu de sa bella Bereide Tibi, fizza de unu albergadore chi lu ospitaiada, chi had pustis cojadu in su 1896. Da cussa unione sunu naschidos tres fizzos: Oscar, Emma e Ugo. Propriu Ugo est bistadu commissariu prefettiziu in Macumere in su 1943. Nereide Rudas, fizza de Emma Salmon, had leadu su nomene de sa zaja e a 17 annos, a pustis de essere abbarrada orfana a solu 4 annos de su babbu, s’insegneri Pedru Rudas, e vivida pro tottu cussos annos cun sa mamma e sos jaios.

Had cominzadu sos istudios universitarios in Casteddu, iscriindesi in meighina, chi fid una raridade in cussu periodu. A pustis de si essere cojada a solu 19 annos, Nereide had affrontadu sos istudios cando teniad unu pitzinnu minore e poi est diventada fiuda. A pustis de si essere laureada est andada luego a insegnare in s’universidade in disciplinas criminologicas e si est dedicada a sa chirca subra sas dinamicas de sos fenomenos de criminalidade. S’urtima orta chi est bennida a Macumere est bistada a sa mustra de sos liberos: Had creffidu semprere visitare sa villa Salmon inube est naschida ee inube jogaiada, ma preferiad passare sas vacanzas a Bosa Marina, in sa villa de familla, chi est a s’essida in mare de su frumene Temo. S’urtima orta chi est beda a Bosa est bistadu in s’istiu de su 2015, duos annos prima de si che morrere. E su comune de Bosa, in cussa circustanzia, had detzisu de li dare sa cittadinanza onoraria, cosa chi non had mai fattu su comune de Macumere. Eppuru in Macumere Nereide Rudas bi teniad su coro, ca in cussos logos bi est naschida e bi had zogadu. Propriu in cussu giardinu, accurzu a sa villa, chi bi est bistyada fraigada sa biblioteca comunale. Custu Neereide Rudas non l’had potidu mai suffrire. Issa cherida chi in cussa villa, siguramente s prus bella in Macumere, paris cun sa Villa Pasquini, bi essere fattu unu museo e cherida chi su giardinu inube issa jogaiada, deviad essere cunservadu comente fid prima.

A narrere sa veridade cando sa giunta comunale chi fid capu Sarbadore Castagna, had detzisu de faghere cussu istroppiu de cimentu armadu, bi est bistada una rivolta in Macumere e in cunsizzu comunale. Sas opposiziones han fattu medas manifestaziones pro chircare de sensibilizzare sopinione pubblica e duncas sos amministradores de tando, ma chenza ottenere nudda. Sa biblioteca de cimentu armada est bistada fatta su matessi. E pro la faghere ha devidu segare sas arbules, had devidu segare prantas, han devidu dsìistruere cantu Salmon haid fattu unu seculu prima. Est bistadu distruttu cantu Nereide Rudas haiad connottu un pitzinnia. Amentos chi l’hana semper accumpanzada in sos annos, fintzas a cando est morta. Non solu. Sa villa in parte est bistada endida a zittadinos privados e in sa parte manna est bistada comporada primu dae sa comunidade montana e pustis divetada sede de s’Unione de sos Comunes. De su museu chi tottus sos discendentes cheriad, in prima Nereide Rudas, nudda bi est adduradu. Como est prena de uffissios e sos mobiles sun bistados divisos tra sos nebodes de Nereide Rudas, cun Gustavo chi est mortu carchi annu faghed e Ivo chi como che istada in Terranoa o Olbia comente la cherimus muttire. In Bosa bi est adduradu Dino Toniutti, chi est bennidu dae pagu a sa cummemorazione de sa thia chi est bistada fatta in Macumere.

A sa fine de su su mese de capidanni, in sa biblioteca comunale, in d’una manifestazione culturale organizzada dae sa biblioteca e dae su Comune, Nereide Rudas est bistada amentada cun discursos e bellas peraulas. In sa fazzada de sa biblioteca est bistadu fattu unu murale in ceramica, cun d’unu pensamentu iscrittu dae s’intelletuale diventada casteddaja. Meda pagu pro una femmina chi sa idda de Macumere had semprere irmentigadu e chi non had mai rispettadu. semper in su mese de capidanni, in s abiblioteca comunale bi est bistada una manifestazione pro ammentare custa femmina importante pro sa cultura sarda. Mariangela a cussu cunvegnu est creffida essere presente, paris cun atteras femminas e cun atteras pitzinnas. A sa manifestazione bi fid sa vice sindiga de Macumere Rossana Ledda, s’assessore regionale a sa cultura Abdria Biancareddu e pro ammentare bene s’istudiosa bi han faeddadu cussa femminas chi sun bistadas sas allievas de Nereide Rudas. Sunu Graziella Boi, direttrice de su dipartimentu de salude mentale de sa Regione, Irene Masia e Lilina Lorettu. Tottas trese han creffidu amentare s’iscenziada de Macumere cun discursos importantes.

Est bistadu in cussa circustanzia chi unu istudiosu de Macumere, appassionadu de sa cultura locale e de s’economia fintzas dae su periudu nuragicu, had propostu a sos amministradores comunales de podede intervennere pro dedicare una carrella, una piatta o fintzas sa villa Salmon paris cun sa biblioteca comunale a Nereide Rudas. In cussu sos amministradores comunales, presentes cun su sindigu, vice sindaga e assessore a sa cultura, non han creffidu apprufundire sa proposta, limitandesi a narrere chi prima de sos deg’annosdae sa morte sa lezze narad chi non si podene intitulare carrelas e piattas. Fintzas Mariangela, chi est pisedda est abbarrada meravizzada de cantu bi siad <paga attenzione pro custa iscenziada. Eppuru pro macumere tiad essere bistadu un onore mantennere biu su nomene de Nereide Rudas in logos culturales comente poded essere sa biblioteca comunale e comente poded essere sa matessi villa e giardinu Salmon. Sa matessi biblioteca est bistada intitulada a Sarbadore Castagna, chi est bistadu su sindigu chi had creffidu sa distruzione de cussu cunsessu culturale e istoricu, chi tottus imbidiana. Est evidente chi Macumere pagu bi tened a sos cittadinos illustres suos.

Eppuru in tottue, fintzas in sa biddas de accurzu, sos cittadinos illustres los haana sempere tentos in bona cunsiderazione. Pro chircare in zona, a Borore Nino Carrus, chi est bistadu unu politicu de ispessore mannu benid ammentadu cun d’una associazione e sa sala inube si riunidi su cunsizzu comunale. In Silanus, bi est Zuseppe Fiori, chi in cussa idda bi est naschidu e pustis andadu dae cand fid pitzinnu, li hana intituladu sa sala polilvalente de sa cultura. A Bolotene hana intituladu a Piercy una carrela. L’han fattu fintzas in Macumere, ma in tempos medas attesu. Si isperad chi Mariangela pothad faghere onore a Nereide Rudas, presentande sa tesi de laurea a cussa femmina. Diad essere una lezione pro tottus sos amministradores chi de sa Rudas non hana leadu nudda.