Imprentas 309 del 18.10.2021 di Francesco Oggianu

Davide Ruju

Unu premiu a unu giovanu chi si est imbentadu unu traballu chenza deve emigrare

Custu premiu mi dad corazzu, mi daede sa forza a pustis de unu periudu fei e difficile, pro tottus sos locales cummerciales. Invito a tottus sos atteros a abbrrare a traballere a Nugoro e in sa idda insoro”. A lu narrere est Davide Ruju, chi de annos nde tened 26, chi s’attera die si est emozianu meda, lassandeche essire fitzas carchi lagrima, in subra de su parcu de su cinema teatru de s’Eliseo in Nugoro, inube est andade in scena sa rassegna de sos coros e s’ispettaculu a manu tenta, in omaggiu a su mastru Bobore Nuvoli, chi est mortu carchi annu faghed. Bobore Nuvoli est bistadu unu de cussos de su coro Barbagia de Banneddu Ruju, chi parris cun su coro de Nugoro est bistadu unu de sos menzus coros de cantos sardos in Sardigna e fintzas in terra anzena. Pro Davide Ruju, s’atteru sero a sorpresa si est agatadu in manos unu riconnoschimentu mai idu, chi andad meda attesu dae su cantu, cun d’una citazione Deleddiana: “…in sa terra inube si amad e inube si morid…”. Pro sempere. Paraulas chi nde sun bessidas dae su romanzu L’Edera chi Eta Nuvoli had adottadu pro sustennere sos giovanos chi inìmbezzes de emigrare e si che andare in terra anzena sunu abbarrados in cittade e in sa idda insoro e nde diventana parte attiva: unu modu pro incorazzare chie abbarrada in tempus inube a fuere dae su centru Sardigna pared chi non si frimede.

Appo fattu medas cursos in Sardigna e in continente, appo frequentadu s’accademia Aicaf subra de sa caffetteria. Ma su ligamine con sa zittade mia est abbarradu semper forte- ammentad Davide Ruju. E gai in su 2017, a pustis de haere fatti medas isperienzas, chi sunu maduradas in foras, est arrivada sa dezisione de abberrere unu locale tottu meu, sa caffetteria chi si narad Amentos, chi est un su viale de sa Resistienzia a Nugoro. S’attividade de Davide nasched da s’idea de podere offrire unu traballu cun prodottos artigianales, pro canti li est bistadu possibile. . Davide chircad de cullaborare cun sas aziendas locales chi produini binu, liquores, distillados de onzi manera. Bisonzad de valorizzare tottu cussu chi tenimos, est s’idea de Davide. E gai had fattu, cun sacrifizios, ma cun medas soddisfaziones, chi poded essere immitadu dae atteros giovanos non solu de Nugoro, ma de onzi logu de s’islua nostra, chi su offrid a custas attividades, bidu chi semus a vocazione turistica e sas materias primas non nos mancana.

Davide como isperad de andare prusu adainanti de custa chirradas chi had fattu fintzas a como. Issu narad chi li diad piaghere de avviare un’azienda agricula pro allevare razzas de sos logos nostros. Custu Davide Ruju l’had nadu in su matessi tempus chi in s’Eliseo de Nugoro est andadu adainati s’ispettaculu, presentadu dae Lenardu Moro paris cun Giuliano Marongiu, cun d’una rassegna ricca e animadas dae 23 coros, cun 33 cantos, Una festa dedicada in amentu a Bobore Nuvoli, un’omine chi creiad in sas potenzialidaes de sos giovanos de sa terra sua, non solu in su cantu sardu.Cussu premiu chi est bistadu dadu a Davide Ruju fortzis non bi intrad nudda cun custa rassegna, ma sa fizza de Bobore Nuvoli, Eta, had creffidu imbentare custu premiu pro podere incorazzare sos giovanos a abbrrare in sa zittades inube sunu naschidos, chenza si che deved anadare in terra anzena. Cussu cantu Adios Nugoro Amada, chi Bobore Nuvoli had cantadu chissai cantas bortas, chered narrere meda pro tottus cussos zovanos chi pro chircare traballu si che devidos andare a foras, lassande mma, sorre babbu e amante, comente narad sa cantone.

Adios Nugopro Amada, mi che parto in terra anzena, chi cun crudelissima pena ti lasso terra istimada. Ca est gia bennida s’ora de partire dolorosa…. Custu non deve prus suzzedere. Custu deved abbarrare una cosa chi appartenid a sos tempos passados. Non si deved lassare sos affettos pro chircare traballu in terra anzena. Su traballu non bi est si deved imbentare. Comente had fattu Davide Ruju e comente sun faghinde medas zovanos chi sunu chenza nissuna pruspettiva de traballu e su traballu bi lu tenene accurzu a domo insoro. Zertu, chie chirrad facultades universitarias ligadas a materias ispazianles e cantu atteru, cun passione lu faghed, mancari prangad de haere lassadu sa terra sua, paris cun tottus sos affetos familiares. Davide Ruju las had provadas tottu. Had ziradu, has sacrificadu, had suffertu e pustis est devidu torrare a inube est partidu. Accurzu a domo sua had agatadu cussu chi fid chircande. Accurzu a domo sua had agatadu tottu cussu chi li serv id pro podere abberrere una attividade chi podede dare unu futuru a issu e a sa familla sua, manu a manu chi andada adainanti cun s’edade.

In Sardigna sunu 165 sas biddas popoladas mediamente dae 1400 abitantes e caratterizzados dae unu imbezzamentu de sa popolazione, cun s’unu quaru de sos abitantes chi han superadu sos 64 annos e dae sa presenzia de mades domos chi non sunu prusu abitadas, chi sunu in tottu 46 mizza, su 24 pro chentu de sas 188.399 abitaziones presentes.. E custu essid grassias a un’indagine fatta dae pagu dae sa Cna Sardigna chi narad chi in d’unu cuntestu de s’ispopolamentu in attu, chi poded arrivare fintzas a su 28 pro chentu in mancu da como fintzas a su 2050, e chenza unu cambiamentu de rotta, had a essere una popolazione de sa Sardigna e mesu a calare de prusu, su 36 pro chentu in base a sas proieziones demograficas chi sun bistadas fattas. E sos primos centros urbano a essere collidos dae custu fenomenu sunu senz’atteru sas biddas minores. A pustis de s’elementu demograficu, sa crisi de sas biddas sardas, infattisi, est cunnettida a medas fattores de criticidade e s’iscarsa capacidade de sas biddas de attirare sos giovanos e impresas. Bi est fintzas sa bassa calidade. Unu de cussos est su fattu de intrare in tottue, in termines fisicos e degitales. Bi est fintzas sa calodade bassa de sa calidade de sos servizios chi eenini offertos a sas personas e pustis bi est s’abbandonu e su degradu de sos territorios abertos, inube non si faghed sa manutenzione dae sos massaios chi prima viviana in sas biddas e chi sunu como diventados fenomenos de dissestu.

Su calu demografici, s’ispopolamentu dae sa Sardigna de intro, tened a perdere fintzas s’identidade culturale de tottu s’isula nostra. Pro sa Cna duncas servid unu progettu chi diad meda attenzione a sas dinamicas socios economixas de sas biddas de intro de sa Sardigna, cun sa valorizzazione e sa tutela de patrimoniu peasaggisticu e culturale, pensande torra a sa calidade de sa dimnada turistica, promovinde unu turismu culturale, naturalisticu, esperienziale e promovinde sa cultura, s’economia, s’artigianadu e sas tradissiones locales. Su rischiu, segundu sa Cna est chi su fenomenu matessi, accelerande, pothad battire, in certas realtade sa intro de sa Sardigna, non solu a una morte economica, ma fintzas a una morte anagrafica dae inube non si poded torrare indaesegus. In medas logos sun sos matessi giovanos a chircare rimedios, imbentande cosas bonas, comente sa valorizzazione de sos sitos archeologicos, imbentande cosas noas pro attendere sos turistas chi c’accudini e attera medas cosas chi podene criare postos de traballu e impinnare atteros giovanos a abbrere attividaes pro endere e cumercializzare non solu sos sitos turisticos, ma fintzas sos prodottos locles.

Est un’idea chi han tentu medas annos faghes unu fiottu de giovanos de Macumere, chi si sunu imbentados unu traballu, subra da sos paesaggios e subra de sos sitos archeologicos. Sunu sos giovanos de sa cooperativa Esedra, chi si sunu imbentados una cooperativa pro sos servizios turistico non solu in Macumere, ma in su Marghine, in sa Pianarza, e in tottus sos logos de sa Sardigna e mesu, leandeche sos turistas dae su mare in sas montagnas e faghindelos vizzare in su trenu ezzu, Trenunu Irde comente li narana, faghindelos frimare inube si poded faghere connoschere s’istoria e logos bellos e inube si podene assazzare sas cosas bonas chi nde essini dae sos cuiles e aziendas agriculas de sa zona, comente su casu, su inu e sos durches. Custu est faghinde sa cooperativa Esedra, chi s’est modernizzande e custu est faghinde Davide Ruju, premiadu a Nugoro in d’una manifestazione culturale, pro cussu chi had fattu e chi podede essere un’esempiu pro atteros zovanos e chi devene leare in cunsiderazione sa Regione e tottu sa politica.