Martino Arca cun Roberto Melis
In sos tempos de como, sos zòvanos impreant meda sos sòcial. A nàrrere sa veridade, non sunt solu sos zòvanos chi istant a donz’ora in sos sòcial: b’at puru zente manna. Però podimos nàrrere chi su bonu de sa zente chi los usast, sunt sos pitzinnos, mescamente cussos de sas iscolas mèdias, cussos chi no ant ancora cumpridu mancu sos 14 annos. Si a prima bessida internet nos at fatu a connòschere cosas meda, nos at imparadu cosas a paris de sos lìberos, duncas si fuit ùtile meda, como paret azumai chi siat diventadu unu dirvagu ebbia, chi servat solu po nche colare un’iscuta de ora, sena chi tenzat unu finis beru!
………..
Pìndulas de Cultura – Janas – Maria Giovanna Serchisu
Si pensamus a sas bellesas de sa Sardigna, oltres a s’ambiente e a sas bellesas naturales chi de seguru non mancant in ogni chigione de s’ìsula, sa prima cosa chi nos benit a conca, comente caraterìstica de sa terra nostra, sunt sas testimonias archeològicas. Intre custas sos prus connotos sunt sos nuraghes chi cun s’imponèntzia issoro rendent su paesàgiu ùnicu in totu su mundu. In prus mèritant atentzione fintzas sas tumbas de gigante, sos menhir e sos dolmen, antigos de millènnios. Ma sa gente est atirada meda dae cussas chi si narant “Domus de janas”, (chi in carchi bidda si narant fintzas furrighesos) tumbas iscavadas in sas rocas, chi sunt de sos tempos in antis de sos nuraghes. Nche nde tenimus circa 2400, ispartzighinadas in totue