Cun Roberto Melis

Su fentanyl est un’oppiòide sintèticu forte meda chi in custos ùrtimos annos est appensamentande meda sa zente, mescamente in s’Amèrica, ube at una curpa manna po s’epidemia de overdose. A su comintzu, custu fentanyl est nàschidu comente una meighina po salvare sas vidas de sos cristianos malaidos chi podent tènnere dolores fortes meda e chi non nche passant. Dae l’impreare tropu e dae sas fortzas chi at, custu fentanyl est in Europa, ma urtimamente tantu prus in Itàlia, perigulosu meda. Ma sa zente podet pensare cantu siat abberu perigulosa custa meighina in Itàlia e comente si potat fàghere a manera chi non bi siant sos problemas e sas dudas chi bi sunt in àteros logos de su mundu po su fentanyl.

Cun Maria Giovanna Serchisu

Pro sa puntada de oe apo pensadu de bos faeddare de un’argumentu chi a mie m’at semper apassionadu, comente creo a fèminas meda. E duncas bos apo a faeddare de sas prendas de Sardigna, i gioielli della tradizione sarda.

Sa Sardigna, un’ìsula chi at semper tentu cuntatos cun sos pòpulos de su Mediterràneu, in sos millènnios at bìvidu un’istòria rica chi at fatu nàschere traditziones ùnicas e bellas meda. Una de custas est cussa de sas prendas sardas chi dae semper incuriosit e apassionat. In sas formas de sos metallos bene traballados e s’isplendore de sas pedras pretziosas, si cuat su traballu de sos artesanos chi, oe in die, sighint a modellare formas e sìmbulos tìpicos de sa Sardigna.