Roberto Melis
Su 7 de frearzu de ocannu, in sa cerimònia de sos Grammy Awards, Alicia Keys, cantadora connota in totue, est piaghida meda dae totus po comente at cantadu, ma fintzas po comente fuit bestida. E sunt piaghidas meda fintzas sas prendas chi jughiat. Custas prendas suas sunt fatas dae Dolce e Gabbana in filugrana sarda. Mustrande custas prendas sardas, Alicia Keys at fatu a manera de fàghere a bìere a totus cantas cosas bellas e cantas cosas valorosas faghimos in Sardigna.
Sa filugrana sarda est una cosa antiga meda. Si faghet tessinde a pare filos de oro o de prata, po nde tènnere prendas dìligas meda, chi sunt appretziadas in donzi parte e logu, non solu in Sardigna. Sa filugrana nostra la connochent in totue e como chi nd’ant cumpresu su valore fintzas Dolce e Gabbana at a èssere ancora pius appretziada de innanti……
Gianfranca Pira
Gianteris (21 de freàrgiu) fiat una die importante pro nois chi traballamus pro sa limba sarda. Difatis fiat sa Die Internatzionale de sa Limba Mama (“della lingua materna”). Custa festa l’at istituida s’UNESCO in su 1999, pro ammentare sos istudiantes de Dacca mortos dae sa politzia pakistana in su 1952 pro difèndere su deretu de faeddare sa limba issoro, su bengalesu, sende chi su guvernu aiat impostu comente limba ufitziale sa limba urdu.
Custu pro nàrrere s’importàntzia chi tenet sa limba in s’identidade de unu pòpulu, màssimu sa limba imparada in pitzinnia, chi est sa limba de su coro…….