Imprentas  144  di Francesco Oggianu

Logos galanos de sos montes sa ricchesa noa cun su turismu

Sos logos galanos de sos montes podene diventare ricchesa cun su turismu

Chilometros de caminos intro ‘e montes e in sas campagnas incontaminadas, tra Fonne e Oliana, in Macumere, in Silanos, Bolotene e Bortigale, in Mamoiada, in Orgosolo, in Orune e Bitti, ma fintzas in su mandrolisai, pustis cun Atzara, Aritzo e tottu sa Sardigna centrale, pigandeche in cussos montes de Cuglieri, de Santu Lussurzu, IScanu e cantu atteru. Inube si agatan sos camminos bezzos pro s’abberrere a sos tempos noso. Camminos che in tempos antigos bi passaiana sos pastores, crabarzos e sos operaios de sa carchina. Sos pastores pro sighire sas erbeghes e crabas, sos operaios pro nde ogare su calcare pro faghere sa carchina. Inube bi passiana sos bandidos e sos cazzadores in chirca de porcrabos. Caminos e sas funtanas bezzas, cun abbas cristallinas, interradas dae su recattu e dae sos truncos de arbules chi sun diventados mannos. Troppus mannos. In cue peroe bi si poded agatare unu posidu prenu de richesa. inube si poded agatare su camminu zustu pro sos giovanos, chi podene traballare a chircare in cussos logos cussu chi li narana isviluppu. Cussu economicu.

Est ricchesa antiga, zusta pro sos giovanos, inube bis sunu tottus sas cosas chi servini pro chircare de faghere una produzione, cussa de su latte, in logos incontamonados e inube su turistia bi poded ponnere dinari. Meda inari. Sos comunes de intro e Sardigna sun faghinde una cullaborazione pro unu interventu paris cun s’Agenzia Forestas, pro aberrere cussos caminos a sos turistas, ma fintzas pro dare una opportunidade a sos pastore e a chie cussos montes benini bidos comente minieras de isfruttare. Onzunu chi enid a biere cussos montes e bintrare a inintro comente si toccad, podes issuprire una natura istraordinaria e cussas traccias de s’omine antigu chi had bidu cussos caminos in tempos colados. Camminos chi peroe podene diventare magicos e galanos, comente cussos buscos, cussas roccas e cantu sa natura had criadu e had mudadu in sos annos e in sos seculos. Logos chi han custoidu seculos de istoria, de sufferenzias, ma fintzas cosas bonas. Logos inube si podene agatare sos cuiles bezzos, su passazzu de sas erbeghes e crabas e sos logos inube a sos pitzinnos che han bogadu sos jogos.

In su 1958 Mariu Pirellas, 74 annos, de Fonne, haiad bidu pro sa prima orta sos turistas intrare in monte Novu. A Issu li est passidu istranu chi cussa zente cheriad biere e issuprire sa vida isolada de sos pastores e li piaghiad cussu silenziu. Su silenziu de s’isula nostra, chi enid segadu solu dae su entu. Pirellas had descrittu cuss’area, inube issu, cun su babbu, e gai tottus sos pastores de Fonne, che passiana sos meses de maju, fintzas a metade de su mese de santandria. Cussa chi oe est curada dae Forestas. Innoghe benin torrados a sistemare sos camminos antigos, inube si poded faghere trekking, inube si poded passare a caddu, in mountain bike. Custu lu isppiegad Gino Mattu, omine de 50 annos, chi faeddad su sardu antigu de Fonne, inube est assessore a su tuirismu. Onzi camminu benid identificadu cun sa cartellonistica europea de su Cai, gai non si podene perdere e non si pdene perdere, mancari sos logos assemizzene a logos chi solu in sa fantasia de sos iscrittores si pdene immaginare. Sas zonas pro su pasidu, domos abertas, pinnetas e cantu atteru, torrana a naschere in sos barraccos bezzos.

In cussos cuiles inube Mario Pirellas c’had passadu tottu sa vida sua, dae pitzinnu minore fintzas a como chi est un’omine mannu. Una bìvida passada attesu dae sa idda. Attesu dae sa zente, attesu dae sos famigliares, parentes e amigos. Non bi fid su tempus pro pensare a su divertimentu. Onzi pastore teniad su cuile pro sos caddos accurzu a su riu e un’atteru sutta de sa punta Paolina pro sas erbeghes e porcos. B’haiad frittu e su entu non fid cardu, ma s’aria fid bellissima. Aria pulida chi trazzaiada su fragu de sas erbas chi pappaina sas erbeghes. Su fragu de s’armidda, chi insaboriad su latte. Su casu fattu in cussa arturas teniad unu sapbore chi como si est perdidu, ca si abbaiada de prusu a sa cantidade e non a sa calidade. Una situazione chi est imposta dae sos industriales de su casu. Fintzas s’istoria personale de tziu Pirellas si connosched in custos logos galanos. Sos seros passados in su cuile, abbaidande sas iscortas. Sa calada a sa idda onzi deghe dies pro che leare cussas cosas bonas chi beniana fattas. S’ispstamentu de su bestiamene a pè, in sos mese de s’atunzu, pro podere arrivare in d’onzi logu de sa Sardigna inube bi fini sas pasturas.

Cammminande a bellu a bellu, cussos logosnde torrana a bessire a pizzu. E camminare in custos logos magicos chi chered incentivare s’amministrazione comunale de Oliana. innoghe sos traballos de Forestas pro su progettu de sos camminos (sentieristica lisi narad in italianu), si che sun fininde cun sas sistemazione de sos pinnettos de Lanaithu e Sos Ciccios-S’Uscradu. Si su segundi est uguale a s’originale, su primu est bistadu fattu dae nou accurzu a uno de sos furros prus mannos pro faghere sa carchina de Oliana. Est un’attera istoria ezza, cussa de sa carchina. A Oliana comente in Silanos, chi faghed bellas cussas terras, cussos montes chi sun bistados iscavados in sos seculos pro nde ogare sa carchina pro fraigare sas domos in sas biddas e zittades. In cussos furros si coghinaiada sa pedra chi nde eniad bogada dae su Supramonte e dae su Montarbu. A Oliana comente in Silanos beniad traballada in furros chi si faghian sutta e terra, prima cnora chi 80 annos faghed arriverede sa tecnologia, cun furros a carbone e a gasoliu.

Ma in cussos montes bi sun ancora sos cuiles cun sos crabarzos. Ancora una orta sos rifugios bezzos diventana fundamentales in sos progettos de isviluppu de su territoriu. In cussos montes si sunu faghinde sas barracas, chi devene diventare sos logos inube si deve dare s’ospitalidade a sos turistas. A cussos chi cherene ispendere su inari pro podere colare una die e fintzas una notte in cussos logos chi sunu attesu dae sas biddas. Logos inube non bi sunu sas macchinas e cantu si podede biere. prusu s’iscavada pro dare unu sensu a sos camminos bezzos, de prus benini iscubertas sas istorias de chie, cu manos biancas de su latte o carchina, han potidu renere unicos cussos montes, dae su Gennargentu fintzas a Su Marghine, passande in su monte Sas Coas de Macumere e cussos de Iscanu, prenos de arbles seculares, de funtanas friscas, de istoria de furas, de barrdanas e cantu atteru, ma chi han cuservadu cussa originalidade chi piaghed meda a sos turistas e fintzas a sos sardos chi cehern torrare a biere comente viviana sos antigos, magari parentes insoro.

sas matessis cosas si sun faghinde in Macumere cun sos cantieris Lavoras. Sa Regione, propriu cun su bandu Lavoras, had cuncedidu a su Comune unu finanziamentu chi aled 315 mizza euros, pro podere avviare luego interventos pro battoro progettos chi, pro otto meses, dana occupazione a 23 operaio. Sos cantieris sun bistados avviados dae pagu. Est unu interventu importante, inube b’han traballadu chimbe assessores. Interventos chi, cun sos postos de traballu, cunsentini de valorizzare cussas areas de pregiu ambientale, culturale, istoricu e cun caratteristicas ligadas a su turismu, cun sa manutenzione de sas istrutturas pubblicas e sa valorizzazione de cussos chi li narana sos attrattores ambientales. un’interventu cunsistid in sa valorizzazione e posta in siguresa de su patrimoniu ambiantale, s’incrementu de su patrimoniu boschivu e sa sistemazione de sas areas de pregiu ambientale, comente su parcu de sos duos nuraghes, accurzu a su rione de Santa Maria. S’interventi prusu importante est peroe cussu de sa valorizzazione de su monte, de sos benes culturales e archeologicos.

Si podene rendere bellos e los faghere diventare fruibiles sos sitos archeologicos. Cussos chi che sunu bnistados ingurtos dae sa vegetazioe, inube benid avviada sa ricerca de sos antigas funtanas, chi sempre hana usadu sos pastore pro su bestiamene, ma fintzas pro che leare a sos cuiles abba frisca e bona, cun caratteristicas chi sunu comente una meighina pro sa salude de s’omine. In sos montes tra Macumere, Sindia, Bore e IScanu si podene biere tottus cussos logos, comente in Barbagia, chi sun bistados de sos pastores, de sas erbeghes, de sas crabas e tottu cussu bestiamene chi est isparidu. Innoghe puru si cheren torrare a biere, pro sos turistias, cussos caminos antigos, attraessados dae sos pastore, bandidos e animales de onzi zenia, chi podene diventare su logu pro sos turistas. Logos galanos chi podene diventare minieras.