Imprentas  di Francesco Oggianu

Sas festas mannas tradissionales distruttas dae su Covid

Custa puru had a essere un’istiu chenza festas, guastadas dae su Covid? Cun su cuminzu de su mese de triulas, medas comitados sunu faghinde de tottu pro cunsrvare sa tradissione, ma sun frenados dae cussa pandemia malaitta, chi est faghinde male non solu a s’economia, ma fintzas a sas tradissiones populares e sa cultura. In su mese de maju a Nugoro e accurzu ch’est bistada ogada sa festa antiga de Santu Frantziscu. Su Covid ch’est cancellande sas tradissiones e est iscriinde torra s’istoria, chi est bistda tramandada in sos seculos. A cantu pared, mancari sos vaccinos siene andfande adainanti, nissunu si chered leare su rischiu de organizzare eventos, ca si timed chi sos contagios torrene a pigaren a subra, guastande tottu. Pro como sunu bistadas annulladas festas importantes de sa Barbagia e de atteros logos de Sardigna e nde suffrire de prusu sun sos giovanos, chi non tenene asseliu e non tenen paghe pro curpa de custa peste malaitta. Comnte est bistadu fattu pro Santu Frantziscu de Lula, atteras festas sun bistadas fattas solu cun paga zente e cun pagas manifestaziones.

Cust’annu, comente s’annu passadu, pro curpa de su Covid sun bistadas annulladas tottus sas manifetassiones ligadas a su eranu in su Marghine e in s’Ozzastra e s’atunzu in Barbagia, manifestassiones inube si ponene a pizzu tottu sos prodottos tradissionales, cun cosas bonas de mandigare, produidas in sas campagnas e tottu sas operas de arte fattas dae sos artigianos. Manifestassione organizzadas dae sa camera de cummerciu de Nugoro cun sa cullaboraziones de sas pro-locos e de sos comunes. Sas manifestassiones, a causa de su Covid sun bistadas annuilladas s’annu passadu e non si sun potidas organizare mancu cust’annu. Unu dannu mannu pro sa cultura, ma fintzas pro s’economia, ca cussas manifestassione nde faghiana accudire in sas biddas nostras migliaias de turistas e zente da onzi idda de Sardigna, prenade sos ristorantes e albergos e comporande cosas de onzi zenia. Si isperad chi sas cosas pothana mudare intro de custu istiu e chi su virus benzad debelladu. Ma intantu sas cosas non si faghene e toccad de che sartiare un’atteru annu.

Fintzas cust’annu sa festa manna de sa Sardigna, cussa de Sant’Efese, est bistada fatta in tonu minore pro chircare de limitare sos contagios. Su manzanu de su primu de maju, puntuale, fid in su postu sou, emozionadu comente giustu chi siad. Un’omine de istampace, comente sa familla sua, had rezzidu dae su sindigu s’imbestidura comente Alternos. Pustis psris cun su presidente de su cunsizzu comunale de Casteddu, accumpanxzados dae sos marzieris, dae su terzu guardianu e dae su presidente de s’arcicunfraria, che sunu andados fintzas a cresia pro sa missa. Non b’haiad zente meda e non est bistada festa manna, comente tottu sos castedajos s’aspettaini. Ma una festa in tonu minore, mancari meda zente eppad creffidu essire pro istare paris e pro saludare su santu. Mancari sos polizziotos e militare fini in medas dainanti a su piazzale de sa cresia, inube est bistada celebrada sa missa, curiosos e fideles si sunu unidos a sas personas autorizzadas. Bi est bistadu meda assembramentu e non si est creffidu faghere meda e usare sa fortza, ma a tottus est bistadu nadu de usare sa conca e chircare de non criare disordines. Sa zente peroe teniad meda bisonzu de una festa comente si toccad, a pustis de duos annos chi mancad.

Comnte est suzzessu s’annu passadu, fintzas in Macumere sa sagra de Sant’Antoni e su monte non si est fatta e siguramente non si had a faghere sa festa de Santu Pantaleo, chi est su patronu de sa cittadina de Macumere. Niente partissiones, niente isfiladas de caddos e gruppos in costumene, niente garas poeticas, niente festa in piatta, niente turronajos, non si faghed mancu su parcu, ma ma solu sa missa manna chi enid celebrada in sa cresia mazzore, cussa de Santu Pantaleo. pro su corona virus, comente est suzzessu s’annu passadu, sunu bistados annullados tottus sos eventos civiles chi si devene faghere su 27 de su mese e triulas. benid annullada sa partissione religiosa e si faghene solu duas missas sa die de sa festa, su 27. Sa prima missa benid fatta a sas 8 e mesa e sa segunda a sas 10 e messa, e siguramente benid celebrada dae su piscamu de Salighera e Bosa, monsignor Mauro Maria Morfino. S’annu passadu si fid nadu chi s’appuntamentu fid rinviadu a su 2021, ma como podimos benissumu narrere chi tottu est bistadu rinviadu a su 2022. Si Deus chered.

Si timed chi fintzas sas atteras festas e sagras importantes benzana rinviados tottacantas a s’annu chi enid, comente sa festa de Santu Larentu a Silanus, sa festa de mesaustu in Bortigale e in Bolotene, sa festa de santu Lussurzu de Bororo. de Santi Istevene a Biroro, santu Mitteddu a Sindia, pro nde chircare calincuna. Onzi idda peroe tened su santu sou de faghere festa e in d’onzi idda fintzas cust’annu si poned in mesu custu dannu mannu chi si narad Coronavirus e Covid comente si poded muttire. Tottu rinviadu a s’annu chi enid duncas. Cun sas festas paesanas addurad serrada fintza sa cultura, ca non si podene faghere atteras cosas pro chircare de accuntentare sos giovanos, chi sunu cussos chi sun suffrinde de prusu custa pandemia. Pro tottu s’annu inserrados in domo, cun sa didattica a distanza, chenza podere essire e bistare paris cun amigas e amigos e si podere divertire comente s’ispettad. A s’annu chi enid, si Deus chered, ma atteru non si poded faghere. Si isperad chi assumancu in s’atunzu sas cosas pothana mudare in menzus. Toccad de isettare a biere comente si ponene sas cosas.

Si isperad chi in su mese de capidanni e de santainu si pothana faghere cussas sagras de campagna, comnete si est semper fattu, ma chi dae s’annu passadu cussu chi est bistadu semper fattu dae medas seculos, est bistadu interrotu. Mancu cun sas gherras sa zente had potidu iere custu dannu mannu. Sun bistadas semper sas festas de sos massajos e de sos pastore, chi si faghiada divertimentu e devozione a su santu chi enid celebradu, pro lu ringraziare de s’annada agraria chi est appenas finida e pro nde cominzare un’attera noa. S’annu passadu e fintzas cust’annu custu non si poded faghere. Comente est bistadu fattu s’annu passadu, cust’annu sa cosa non had a essere differente. In medas biddas sas cresiasm addurana serradas, in atteras si aberiini, ma si faghed solu sas novenas, ma pro paga zente. Comente s’annu passadu, cust’annu si had a biere paga zente andande a pe a sas cresieddas de campagna. So prideros, pro larga parte, preferini tennere serradas cussas cresias e faghere sas funziones pro sas novenas in sa cresia mazzore parrocchiale, pro rispettare in prenu sas normas anticovid. Niente corteos e ninete partissiones, niente caddos e niente bancarellas.

Si timed chi custa pandemia pothad mudare pro semper sas tradissiones chi sun bistadas tramandadas pro seculos.

Sa Sardigna, tottu canta, est una terra ricca de festas e sagras, medas de cussas cun d’una istoria antiga deabberu. Medas bortas sa parte religiosa est su tema centrale de custos eventos che peroe sunu meda abertos a atteros temas chi sun manifestassiones religiosas e de su inu e gastronomia e fintzas s’artigianadu e sa musica de onzi manera. Cuistas manifestaziones, distribuida unu pagu in tottu s’annu, nde faghene accudire deginas de mizzas de visitadores e, mancari sunu ligadas a sa tradissione, presentana in custos urtimos 50 annos elementos innovativos, chi est su fruttu de sa cullaborazione tra sas bezzas e sa generaziones noas. In Sardigna cussas prusu importantes sun cussas de SantAntoni de su Fogu, chi si faghene su 16 e su 17 de ennarzu, chi si faghed bene in tottus sas biddas de sa Sartdigna centrale e comente suzzedid in Mamoiada, Otzana e atteros logos est fintzas cu cuminzu de su carrasegare. Tra martu e abrile bi sunu sos ritos de sa Chida Santa e pustis, pro chircare sas festas prusu importantes sighid cussa de Sant’Efese in castedu, chi nde amos faeddadu, sa Cavalcada sarda chi si faghed in tatari a fine maju, S’Ardia de Sedule, chi si faghed como, su 6 e su sette de triulas e bi est sa festa de su inu a Jerzu, inube sas chentinas benin abertas pro podere assazzare su inu, cun cantos e ballos e atteros eventos chi faghene sa festa veramente bella. In austu bi est sa caladaa de sos candeleris in tatari, chi si narad sa festha Manna,. A fine de austu bi est su Redentore a Nugoro, chi est sa festa prusu intesa dae sos nugoresos. Bi est ancora Su Prugatoriu a Seui, chi si faghed su primu de su mese de santaini e atteros appuntamentos importantes in tottu sa Sardigna, chi cust’annu e s’annu passadu, pro curpa de su Covid sunu bistadas tottus rinviadas e annulladas. Podimos solu isperare che si pothana faghere cun galania s’annu chi enid.