di Francesco Oggianu
Sos giovanos e su cinema sardu
Chie menzus de unu giovanu regista sardu poded descrivere sa Sardigna, contande sos contos de tempos antuigos, ma contande fintzas sa bellesa de sa terra nostra. Bi est unu progettu de tres giovanos casteddaios, chi contada s’istadiu de Sant’Elia, chi est bistadu abbandonadu, isettande chi si nde fettad unu nou.Manuelle Cossu, Marcu Gamba e Gianluca Caboni sun faghinde unu film tra istoria e cronaca. Custos piseddos, non sun sos primos a proporrere cosas originales in celluloide, chi riguardad sa Sardigna, da bassu fintzas a susu, passande in sas zona internas. A iscumittere subra de su cinema cun marca isolana, bi sunu medas realtades, cumpostas dae registas indipendententes, associaziones, festival, retes culturales chi in sos urtimos annos, cun sos progettos insoro, han fattu in modu chi si poterede contare sus sitema ambientale, culturale e sa limba. Pro nde zittare calincunu de custos traballos, podimos narrere chi b’est Su Re de Juanne Columbu, Bellas Mariposas de Totore Mereu, Cabu e Rughe de MArcu Antoni Pani e Paulu Carboni e s’Arbitru de Paulu Zucca. Custos sun tottu film chi hana rezzidu riconoschimentos importantes e partecipadu a sos prus mannos festival europeos e internazionale.
Si prus de chent’annos faghed Grassia Deledda ha contadu, cun sos liberos chi had iscrittu, sa Sardigna bida dae issa, conquistande fintzas unu premiu Nobel pro sa letteradura, chi sighid a essere leda comente esempiu pro tantu tempus dae sos registas italianos, comente pro su film ligatu a S’Edera, como bi sunu custos piseddos chi, in carchi manera chircana de dare importanzia a sa Sardigna, faghinde progettos cinematograficos importantes, chi medas sun bistados ricconnottos fintzas in cuncursos internazionale e non solu italianos. Si contana sas cosas chi in partes sun bistadas irmetigadas, ma si contada de prusu una Sardigna chi b’est bistada e sighidi a essere, grassias a custos film e grassias a sos registas nostros chi sun faghinde cosas bellas e interessantes in dìonzi puntu de vista. Pro ne narrere una, Accabadora, chi est bistadu contadu in su liberu de Michela Murgia, est diventada una produzione de Enrico Pau, chi iede pro sa prima orta sa partecipazione finanziaria diretta de sa Fundassione de su Bancu de Sardigna, rappresentad un’atteru progettu chi contribuidi a andare adainanti in custu percursu. Treulababbu de Simone Contu est un’attera tappa de su matessi caminu.
Si intitulad perfidia e jughede sa frima de Bonifaciu Angius, regista de su 1982, s’unicu fil italianu chi est andadu in cuncursu a sa edizione de su festivala de su film de Locarno, chi est andadu in programma dae su 6 a su 16 de austu in su comune de s’Isvizzera. Bonifacciu Angius, specializzadu in sa New York Film Accademy e in su centru de sos istudios cinematograficos de Catalogna, chi si fid fattu connoschere cun Sa Grascia, chi had partecipadu a una edizione de Ischia Film, su primu lungometraggiu, contad un’istoria de periferia, ambientada in tatari, ma chi est unu contu universale che narad de unu cunflittu tra babbu e fizzu. Prodottu dae sa Movie Factory de Roma e dae Monello Film de Tatari, siustennidu dae sa Regione sarda cun su film Commission e cun su supprtu de s’Unione de sos Cineatas indipendentes, su film bi had attores e unu staff de produzione cun sun in meeda parte sardos. Perfidia si est cunfrontada cun atteras pelliculas produidas fintzas dae sa domos mannas, ma sa sa selezione sola in su cuncursu internazionale de su festival de Locarno, had cunfirmadu sa vivacitade de su panorama cinematografficu sardu, chi si esprimede in sas operas de registas chi tenene capacidade de sa generazione noa.
Fintzas carchi istituzione, istimuladas de custu attivismu, han dadu sinnales de abertura rispettu a sa potenzialidade de isviluppu chi sa filiera cinematografica podede regalare a sa Sardigna. Bi est bistada sa notizia de su protocollo de intesa frimadu tra su Comune de Casteddu e su Film Cimmission Sardigna, chi est bistadu preecedidu dae cussu sottoscrittu dae su Comune de tatari ee poi han sighidu atteros comunes in longu e in largu de s’isula nostra. unu ruolu importante pro sa gestiones de sos fundos pubblicos ee pro elaborare politics de isviluppu in su settore, est da attribuire a Moviementu- Rete- Cinema Sardigna, sa rete che regollede prus de dughentos professionistas e chi cun s’attivitade sua aliementada, tened bia e promoved s’idea de un’industria de su cinema chi est capace de ponnere in motu meeccanismos virtuossossos a vantaggiu de tottu su territoriu isolanu. Cun s’azione sua had contribuidu a faghere creschere sas risorsas in bilanciu de sa lezze cinema e ottennere su potenzimentu de cussas destinadas a su funzionmentu de su Film Commission. Como, toccad de puntaree a dare su massimu de sas energias, pro faghere chi cussa chi ccomo calinccunu definid sa Primavera de su Cinema Sardu, pothad deabberu fiorire.In su frattempus si isettada de iere creschere su semene de sos film chi sun bistados fattos e chi han partecipadu a su festival de Locarno, isettande chi pothana pustis partecipare a manifestaziones prus mannas.
Como bi est su progettu “Silenziu, intendide sos applausos de su Sant’Elia?”, unu progettu de sos tre giovanos registas casteddajos Manuelle Cossu, Marcu Gamba e Gianluca Caboni. SI cussas pedras, cussas cadreas, cussos ispaltos ppere potidu faeddare. Ecco cussu chi lis benid in mente, luego, aabbaidande s’istadiu de Sant’elia, dae carchi aannu boidu. ma a faeddare , riere e pranghere, ada a essere chie pro annos in cussu istadiu bi est andadu. E s’idea de Sas boghes de Sant’Elia, unu film documentariu chi in fase de traballu, pro contare s’istoria de s’istadiu de Casteddu, chi est s’istadiu de tottus sos sardos. Su progettu chi est curadu dae tres giovanos autores e registas casteddaios, pro sa domo de produzione cinematografica CMP, Manuelle Cossu de 37 annos, Marcu Gamba, 32 annos, cun Gianluca Caboni, 29 annos. Est unu mosaicu mannu de intervistas, inube tottus poded contare cussu chi had vividu frequentande s’istadiu de Sant’Elia. Dae su tofosu de su casteddu e Campione de sa matessi isquadra. E sos autores de su progettu sunu ancora in chirca de distimonzos.
Una die appo lezzidu chi tra pagu s’istadiu ch’enid bettadu in terra e mi soe resu contu, chi non bi podio creere, chi dei non l’appo maai vividu- contad manuele Cossu, chi pro traballu had vividu a Barcellona, in Spagna- non semus incontrados cun Marco Camba e Gianluca Caboni subra de su sete de un’atteru film e nd’amos faeddadu”. Dae tanto tottu si est postu in motu. Sa ripresas sun cominzadas e b’had meda ite narrere. “In s’istadiu de Sant’Elia, bi sunu chimbatannos de emoziones. Bi est s’istoria de su sennore chi in cussas gradinadas had ddimandadu a sa muzzere de lu cojuare. Bi sun pustis sos ammentos de sas dies intreas passadas intro de s’istadiu, ca si arriviad chito, mancari dae sa provintzia de Nugoro e Tatari, dae cussa de Oristanis e dae sa Gaddura e s’Ozzastra, pro ustare in cussas gradinadas, inube bi sun bistadas sas urtimas partidas fatta de Gigi Riva e dae tottus sos campiones de su Casteddu de s’iscudetto. Cosas chi benini contadas da meda zente, chi como tened una certa edade, ma chi in cussu istadiu b’had passadu dies bellas, cando si inchiad e dies feas cando si perdiad. Ma sun amentos bellos chi si podene biere in custu film documentariu, chi est pro tottus sos sardos.
S’istadiu de Sant’Elia est bistadu fintzas atteru, comente sa gara de formula 3000, su cuncertu de Vasco Rossi. Como sas ripresa mustrana unu logu aabbandonadu e in ruina. Est ccomente un’ischeletro de unu animale mannu. Su film est finanziadu dae sa regione e benid usadu fintzas materiale istoricu. Si isperad chi custu siad su ccominzu pro podere contaree atteras istorias de sa Sardigna, non solu ligada a s’isport, ma fintzas pro atteras cosas. Custu est unu compitu affidadu a sos giovanos, intendinde chi est prus mannu de issos e ponnere paris istorias, fintzas de sas festas e fintzas de salas cinematograficas, comente su cinema Verdi de Macumere, chi est diventadu unu rudere, ma pareed chi ancora intro de cue si intendana sas boghes e sos sonos de cussos film chi sun bistados proietados pro baranta annos e prusu.