In cust’atopu de oe, amos a faeddare de sas proas subra de sa croeografia de Gàia, cantadora famada de Sanremo.

Totus ant bidu su vìdeo de sa coreografia de Gàia, fata subra de sa cantone sua “Chiamo io, chiami tu”. Sa cantadora est istada ripresa cando fuit proande sa coreografia po su vìdeo-clip sou. In s’interi de custu vìdeo, si biet bene meda s’òmine chi at fatu custa coreografia, chi at imbentadu custu ballu. Cussu chi at ispantadu meda no sunt sos passos de ballu, ma comente su coreògrafu a Gàia li dat su tempus po ballare, sighinde si rìtimu de “Shom sha …tikita tikita shom”. Custu coreògrafu est Carlos Diaz Gandia, chi est ispagnolu. Est un òmine famadu meda in totue. At triballiadu paris cun Will Smith, Tony Effe e Gaia, Nathy Peluso, Feid & Rema, Lola Indigo. Est su sou su ballu de Tuta Gold”, una cantone de Mahmood chi totus connoschent. At fatu puru su ballu de “Sesso e samba”. In totu cussu chi Carlos faghet si podet bìere comente b’apat carchi cosighedda de Hip-hop e de sas dantzas urbanas…..

Unu saludu a totus sos chi seis iscurtende Radio Macomer Centrale dae Maria Giovanna Serchisu e benènnidos a custa puntada de Pìndulas de Cultura.

Oe bos apo a faeddare de un’argumentu particulare: s’istrinta de manu. Ais a nàrrere: “E ite argumentu est custu?”. A mie m’at semper incuriosidu custa cosa de istrìnghere sa manu o tocare sa manu, comente si narat, e so andada a bìere dae in ue naschet custu gestu e cale est su significadu suo. Dae semper, in s’istòria, custu gestu tenet significados meda: pro su prus est impreadu comente saludu, pro si presentare, pro mustrare amigàntzia, ringratziamentu, pro fàghere augùrios, o fintzas pro dare sas passènsias (le condoglianze), pro fàghere un’acordu, o pro dare su sinnale de paghe. “A istrìnghere sa manu”, narat s’iscritore inglesu Henry Siddons, “est unu gestu ricu de significados, ca sa manu est sa limba de sas intentziones bonas, est s’istrumentu generale de sa mente”.