Roberto Melis

Ant imbentadu s’Alcolock, unu traste chi non ti permitit de impreare sa vetura si ses bufadeddu. Sa vetura mancu si atzendet, si si abizat chi b’at bumbu meda in corpus de su cristianu chi la andat a la pònnere in motu. Po non si atzèndere sa vetura, cheret chi sa cantidade de bufonzu siat meda pius de cussa chi si pòdere àere in sa carena. Custu Alcolock est comente unu etilòmetro, ca s’autista depet sulare a intro de unu tubigheddu ube b’at unu sensore chi, si est su casu, lassat su motore mortu. Sa cantidade chi tocat de non nche colare est de su 0,5 g/l po chie tenet sa patente dae annos meda, ma est de 0 po sos patentados a nou. Sa vetura abarrat morta e si addurat a pe si su cristianu est imbreagu.

Gianfranca Piras

Nch’amus apenas coladu su 14 de freàrgiu, die connota comente festa de sos amorados dedicada, comente ischides, a Santu Valentinu. Ma chie fiat custu Santu Valentinu, e pro ite est chi l’ant carrigadu custa responsabilidade de èssere su protetore de sos amorados?

Santu Valentinu est unu de sos santos prus venerados in su mundu (e si podet cumprèndere pro ite, bidu chi totu su mundu disìgiat s’amore). Est istadu unu pìscamu (est a nàrrere “un vescovo”) de sos primos sèculos de si cristianèsimu e at bìvidu in Ùmbria, in sa tzitade de Terni. Est mortu màrtire pro àere professadu sa fide cristiana.